Gibutyag ni Commission on Elections (COMELEC) Chairman George Garcia nga ang umaabot nga voter registration sa Agosto 1 hangtud 10, 2025 ipahigayon lamang alang sa mga first-time voters ug mga na-deactivate ang rehistro.
Kini aron sila makaboto sa Barangay ug Sangguniang Kabataan Elections (BSKE) nga gikatakdang ipahigayon sa Disyembre 1 ning tuiga.
Matud ni Garcia, ang Election Registration Board (ERB) magpahigayon og hearing aron i-aprubahan o dili i-aprubahan ang mga aplikasyon sa mga botante, o dili.
Gawas pa nga tanggalon usab ang mga pangalan sa listahan sa mga botante nga namatay, wala nakaboto sa duha ka sunod-sunod nga regular nga eleksyon, ug uban pang mga hinungdan nga gilatid sa balaod.
Giklaro usab sa COMELEC nga nagapadayon sila sa ilang target nga maka-rehistro og kapin sa usa ka milyon nga bag-ong botante sa nasod.
