Arestado sa kapulisan ang duha sa upat ka mga suspek nga mipatay sa 19 anyos nga babayeng biktima sa Brgy. La Filipina, Tagum City kagahapon.
Subay sa rekord, mga menor de edad ang nagpaluyo sa maong mangilngig nga krimen human giduslak og ika-38 ka higayon ang biktimang giilang si Sophia Coquilla nga igo ra nagbakasyon gumikan nagtuon kini sa UP Manila.
Sumala sa report sa Davao del Norte Police Provincial Office nga pinaagi sa informant, malampusong nadakpan ang duha ka mga menor de edad sa ilang gipuy-ang boardinghouse.
Gani, lakip sa narekober gikan sa ilang posisyon ang mga gamit sa biktima sama sa laptop, iPad, cellphones, 2 ka relo ug nagkadugong kutsilyo.
Sa karon, anaa na sa kustodiya sa Women and Children Protection Desk ang mga suspetsado.
