-- ADVERTISEMENT --
Nagpadayon karon ang search and rescue operation sa Search and Rescue Team sa Agusan del Sur uban sa lokal nga kagamhanan sa lungsod sa Rosario alang sa upat ka mga minerong namatay dihang wala na makagawas human mibuto ang gisudlan nilang gi-condemn na nga tunnel.
Base sa inisyal nga impormasyon gikan sa mga residente, natigayon kini kagahapon didto sa bukirang bahin sa Mahunok, sakop sa Brgy. Bayugan 3, sa maong lungsod.
Apil sa mga biktima ang duha ka na-ila lang sa apilyedong Balagno, usa ka Bustamante ug alyas Dior.
Sigon sa mga local miners sa maong dapit, higayong mahugno o kaha mubuto ang usa ka mining tunnel, mu-alisngaw gilayon ang makahilo nga baho nga posibleng maoy hinungdan sa ilang kamatayon.
