GENSAN – Nagpadayon ang imbestigasyon sa natigayong sunog sa usa ka warehouse furniture nga nahimutang sa Amadeo Compound, Barangay San Isidro,ning dakbayan sa Heneral Santos pasado alas 6 sa gabii, Hulyo 2.
Base sa mga residente sa lugar, kalit lang midilaab ang maong warehouse nga puno ug mga kahoy nga gamit. Tungod sa flammable nga materyales, dali ra kining gilamoy sa kalayo.
Matod sa usa sa mga residente nga nitabang sa pagpalong sa kalayo, nagtinabangay sila aron dili na kini mokatag sa ubang bahin sa compound.
Dugang pa nga , wala silay nadungog nga pagbuto o bisan unsang ilhanan nga adunay sunog hangtod ilang nakita nga midilaab na ang tibuok bodega.
Sa kasamtangan nag padayon pang gina suta kung pila ang nahimong kantidad sa kadaot
