Ilubong na karong adlawa ang bag-ong himugso nga bata nga gibilin sa usa ka E-jeep nga naga biyahe ning syudad sa milabayng adlaw. Sumala ni Bienvenido Daming ang Depatment Head sa Social Services sa Brgy. San Isidro nga nakadesisyon si Brgy. Captain Jeprox Yumang nga hatagan ug tarung nga pagpalubong ang maong bata gumikan usa kini ka tao ug angayan lang nga maplastar kini.
Nanawagan usab si Daming ngadto sa publiko kon kinsa ang adunay kahibalo o impormasyon sa mga nagbuhat sa maong salaud ang ipahibalo lang saila aron nga ilang maistorya ang mga nasampit ug nganong ila kining nabuhat.
Kahinumduman nga ika-tulo na kini nga higayon nga adunay gilabay nga bag-ong himugso nga bata sa maong lugar ug kini tanan ang gihatagan ug tarung nga pagpalubong sa mga Brgy. officials sa San Isidro.
