-- ADVERTISEMENT --
Gipaubos na sa Department of Foreign Affairs (DFA) ang security alert warning alang sa mga Filipino sa Israel.
Matod sa DFA, tungod sa mga positibong kalamboan, kini mahimong level 2 o restriction phase gikan sa miaging Level 3 nga Voluntary Repatriation.
Ingon man nga unang gikalipay sa gobyerno sa Pilipinas ang kasabutan tali sa Israel ug Iran sa pagpatuman sa ceasefire.
Basi sa banabana sa DFA, adunay 30,000 ka mga Filipino sa Israel, kadaghanan kanila mga caregiver, samtang 1,100 ang anaa sa Iran.
Gipasalig usab sa DFA nga padayon nilang bantayan pag-ayo ang sitwasyon sa rehiyon ug ipataas ang alert level kon gikinahanglan.
-- ADVERTISEMENT --
