Nagprotesta ang usa ka grupo sa mga palahubog sa nasod Ghana human sa taas nga pag-usbaw sa presyo sa mga ilimnong makahubog sa nasangpit nga nasod.
Sumala sa Ghana Drunkards Association, kinahanglan matud pang pamation sa panggamhanan ang ilang kabalaka mahitungod sa taas nga presyo sa ilang bisyo.
Sigon ni Moses Onyah, presidente sa nahisgutang grupo, nga giantos matud pa sa kapin 6.6 nila ka mga miyembro nga palahubog ang 15 porsyento nga pagsaka sa presyo sa mga ilimnong makahubog sa ilang nasod.
Subay niini, gihatagan sa maong grupo ang panggamhanan og tulo ka semana nga ultimatum aron sulbaron ang isyu.
Nanawagan usab sila og tabang gikan sa ilang kanhi Presidente nga si John Dramani Mahama.
Taliwala sa ka siaw paminawon, ang Ghana Drunkards Association (GDA) usa ka inilang grupo sa maong nasod nga dunay kapin 6.6 million nga mga miyembro.
