MANILA — Arestado ang usa ka jeepney driver human gireklamo sa pagpanghimulos sa usa ka 9-anyos nga Grade 3 pupil sa Rizal Avenue, Brgy. 210, Tondo, Manila.
Ang suspek giila nga si Jimboy Briones, 43 anyos, residente sa Brgy. Mapulang Lupa, Pandi, Bulacan. Nadakpan kini human sa backtracking sa CCTV footage nga nagpakita nga siya ang kataposang nakitang kuyog sa biktima.
Sumala sa pahayag sa biktima nga gingalan lamang og alyas Ria, gipuwersa siya sa suspek sa pagdawat sa kwarta. Sa dihang misupak siya, gitutokan siya og kutsilyo ug gidala sa usa ka madulom nga lugar. Didto, giingon sa biktima nga gihalukan siya ug gihimuslan sa maong lalaki.
Nagpangita dayon ang inahan sa bata ug pagtan-aw sa CCTV, nakita nga si Briones ang nag-uban sa biktima sa wala pa kini nawala. Dali usab nga naglunsad og operasyon ang mga otoridad ug nadakpan ang suspek.
Karon, gipasakaan na og kaso si Briones ubos sa RA 7610 (Anti-Child Abuse Law) ug RA 11648 (balaod nga nagtugot sa mas lig-on nga proteksyon batok sa rape, sexual exploitation ug abuse, ug pagtaas sa edad sa statutory rape).
Padayon ang imbestigasyon sa kaso samtang ginahawan ang hustisya alang sa biktima.
