Gipapha sa Philippine Institute of Volcanology and Seismology (Phivolcs) ang kabalaka sa publiko human sa pag-igo sa kusog nga magnitude 6.1 nga linog sa may Davao Occidental.
Gipaubos kini gikan sa una nga nareport nga magnitude 6.9 human ang gihimong assessment sa mga eksperto.
Matod ni Nane Danlag, Senior Research Assistant sa PhiVolcs-GenSan, nga base kini sa ilang mga instrumento og datos nga nakuha hinungdan walay angayang kabalak-an.
Apan gibutyag niini nga mahimong mag-generate ang susama nga kakusog nga pagtay-og og dili normal nga ‘sea level disturbances’ nga mahmong maobserbahan sa may baybayon duol sa episentro sa linog sa Davao Occidental og kasikbit nga mga probinsiya.
Sa pamahayag ni Danlag nga ang timailhan nga adunay matigayon nga tsunami mao ang kalit nga pag-us-os sa tubig human sa matigayon nga linog.
Una niini, miigo ang kusog nga linog kaganihang alas-7:07 sa buntag sa may katubigan sa Sarangani Island sa Sarangani Davao Occidental.
Adunay kalawmon nga 10 kilometro ang linog og tectonic ang gihimutangan.
Sumala sa Phivolcs, gipaabot nga makatala og damyos og aftershocks tungod sa epekto sa linog.
Samtang nagpahigayon og Visual Assessment ang City Disaster Risk Reduction and Management Office- Gensan Rescue Team kauban ang City DRRM Officer sa syudad sa Heneral Santos alang sa pagsuta sa posibleng damyos.
