Gibalewala sa supreme leader sa Iran ang gihimong airstrikes sa US batok sa ilang mga pasilidad nukleyar.
Sumala ni Iranian Supreme Leader Ayatollah Ali Khamenei, walay bisan unsang nakab-ot ang US sa ilang gihimo ug dili kini makapahunong sa ilang nuclear programme.
Samtang ang gibuhat nga pagpanimalos sa Iran sa airbase sa US nga nahimutang sa Qatar misangpot og dakong kadaot.
Gipagawas sa Iran ang pamahayag sa ilang supreme leader human ipanghambog sa US nga ilang napugngan ang nukleyar nga ambisyon sa Iran.
Ang Iranian Supreme Leader mitago sulod sa bunker sa kapin duha ka semana sukad nagsugod ang mga atake sa ilang nasud nga gihimo sa Israel.
Giinsistir usab niii nga grabe ra kaayo ang pagka-overreact o pagka-exaggerate ni Trump sa giingong airstrike nga ilang gihimo.
