Gibutyag sa Governance Commission for GOCCs (GCG) nga ipailawom sa halapad nga reporma ang PhilHealth aron mapalambo ang operasyon ug mas epektibong matuman ang mandato ilawom sa Universal Health Care Act (RA 11223).
Kabahin sa reporma ang bag-ong estruktura nga adunay 503 ka unit ug 7,149 ka posisyon.
Tumong niini nga solusyonan ang mga nag-unang isyu susama sa katigulang sa mga empleyado, kalat-kalat nga datos, problema sa implementasyon sa mga estratehiya, ug mga reklamo bahin sa benepisyo.
I-centralize ang mga administratibong serbisyo susama sa finance, legal, IT, procurement, ug human resources aron mapalig-on ang koordinasyon ug mas mapaayo ang serbisyo sa publiko.
Magtukod usab og Benefit Payment Appeals Office (BPAO) aron matubag ang mga apela nga may kalabutan sa benefit claims.
Ang Internal Audit Office sa PhilHealth itakda nga direktang mu-report sa Audit Committee ug sa President and CEO (PCEO) para sa mas hugot nga pagbantay ug oversight.
Gikumpirma ni DOH Secretary Teodoro Herbosa nga kauban sa paningkamot ang ilang ahensiya uban sa GCG alang sa maong mga reporma aron mas masustentohan ang implementasyon sa Universal Health Care program sa nasud.
