Mga Pinoy sa Qatar gitambagan sa Embahada nga magtago sa luwas nga lugar

Nitambag ang Philippine Embassy sa Qatar sa mga Filipino didto nga modangop sa luwas nga mga dapit.

Kasunod kini sa airstrike sa Iran sa usa ka airbase sa US nga nakabase sa Qatar.

Base sa abiso sa embahada, kinahanglang moadto una sa luwas nga lugar ang mga Pinoy didto aron dili sila maapektuhan sa insidente.

Kinahanglang mamati usab sila sa mga pahibalo sa lokal nga awtoridad ingon man sa Embahada.

Una nga gisuspinde sa gobyerno sa Qatar ang trapiko sa kahanginan tungod kay gipahibalo sa Iran nga magpabuto sila og mga missile sa airbase sa US.