Duha sa lima ka mga lalaki nga nangawat sa usa ka bulawan nga inidoro kaniadtong 2019 gisentensiyahan sa daghang tuig nga pagkabilanggo.
Ang 196-pound nga bulawan nga inidoro, hinimo sa 18-karat nga bulawan.
Dihang gikataho ang krimen, nagkantidad kini og $6 million o P340 million.
Ang bulawan nga inidoro hingpit nga magamit ug gipakita sa Blenheim Palace sa Oxfordshire, England.
Kini tupad ra sa lawak diin natawo ang British prime minister nga si Winston Churchill.
Apan ang bulawan nga inidoro usa ka satirical nga simbolo ug estrikto alang sa art display.
Lima ka lalaki nga mga suspek ang nasikop, apan gikataho kaniadto nga adunay pito ang suspek.
Ang bulawan nga inidoro ang wala pa mabawi. Nagtuo ang mga awtoridad nga ang bulawan ang giputol ug gibaligya.
Dul-an sa unom ka tuig human gikawat ang art piece ug nadakpan ang mga sad-an, ang korte nipagawas og hukom nga duha sa mga sad-an gisentensiyahan nga mapriso.
Si James Sheen, 40, usa ka roofer, miangkon nga sad-an sa pagpangawat, panagkunsabo, kasong transferring criminal property kaniadtong Hunyo 13, 2025.
Gisentensiyahan siya sa Oxford Crown Court ug upat ka tuig nga pagkabilanggo.
Si Michael Jones, 39, empleyado ni Sheen, gisentensiyahan usab og duha ka tuig ug tulo ka bulan.
Ang taho wala maghisgot sa nahitabo sa tulo ka nahabilin nga mga suspek.
Kahibaluan nga ang bulawan nga inidoro ang gimugna sa Italian artist nga si Maurizio Cattelan, kinsa nailhan usab sa iyang kontrobersyal nga artwork sa usa ka saging nga gipapilit sa dingding nga adunay duct tape.
Gikataho usab niadtong higayona nga adunay reward nga $129,000 (PHP7.3 million) ang gitanyag ngadto kang bisan kinsa nga makatudlo sa nahimutangan sa golden toilet, apan wala pa kini makit-i.
