Nakaplagan sa Israel Defense Forces (IDF) ang mga lawas sa tulo ka mga bihag sa Hamas sa Gaza.
Lakip niini ang usa ka sundalo ug duha ka sibilyan nga gidagit sa Hamas niadtong Oktubre 7, 2023.
Ang mga patayng lawas giila nga sila Ofra Keidar, Yonatan Samerano ug sundalo nga si Shay Levinson.
Si Keidar, 71-anyos nga residente sa komunidad sa kibbutz Be’eri, gipatay sa Hamas ug ang iyang lawas gidala sa Gaza, samtang ang iyang asawa gipatay usab.
Samtang ang 21-anyos nga si Samerano usa ka talento nga DJ gikan sa Tel Aviv, gipatay siya sa Hamas samtang niadto sa festival music sa Nova.
Si Levinson, usa ka 19-anyos nga tank commander ug dual German-Israeli national, namatay sa away ug ang iyang lawas gidala sa Gaza.
Naglaum usab ang Israel nga makit-an ang daghang mga lawas sa mga gidagit sa Hamas.
Adunay 55,959 nga mga biktima nga namatay ug 131,242 ang nasamdan sa panagsangka tali sa Hamas ug Israel sukad kaniadtong Oktubre 7, 2023.
