Usa ka lalake nakuha og kapin sa P280,000 nga kantidad sa illegal nga droga

GENERAL SANTOS CITY- Nabilanggo karon sa selda sa Fatima Police Station ang usa ka lalaki nga giilang si alyas “Nikol”, 57 anyos, residente sa dakbayan human nga madakpan sa gipahigayon nga search warrant operation may kalabutan sa ilegal nga droga.

Atol sa operasyon nakuha ang unom ka sachet sa gituhuang shabu nga adunay katibuk-ang gibug-aton nga 32.6 gramos ug gibanabana nga kantidad nga P280,360.00 base sa national standard drug price.

Narekober usab ang nagkalain-laing drug paraphernalia nga gitago sulod sa usa ka itom nga coin purse.

Human sa operasyon, gidala dayon ang suspetsado ug ang mga ebidensiya sa Police Station 7 alang sa hustong dokumentasyon ug disposisyon.