Subli nga gihingusgan sa House of Representatives nga dili sila ang angayang basulon nga nadelatar ang
impeachment trial batok kang Vice Pres Sara Duterte, nga hangtud karon wala pa gihapon aksyon gikan sa Senado.
Kini ang gibutyag ni House Deputy Minority Leader Rep. Bienvenido Abante human sa mga pamahayag ni Atty. Reginald Tongol, tigapamaba sa Senate impeachment court, nga posibleng nakahatag ug kalibog sa publiko kabahin sa isyu sa “procedural matter.”
Gisaway ni Abante si Atty. Tongol sa iyang paningkamot nga libugon ang publiko ug ipasa sa Kamara ang pagbasol sa pagkadelatar sa impeachment trial.
Partikular nga gitumbok ang paggamit ni Tongol sa isyu sa “entry of appearance” nga gipasa sa Kamara nga walay klarong label, nga gihimong rason sa pagka-delay sa proseso.
Matud pa nga dili obligasyon sa House of Representatives nga muaksyon sa maong dokumento gumikan usa ra ka clerical detail ug dili man rekositos aron makasugod ang impeachment trial.
Angayang hunungon sa Senado ang pagpakatag sa sayop nga impormasyon ug dili gamiton ang gamay nga teknikal nga isyu aron malikayan ang responsibilidad.
Sa pagkakaron, gahulat gihapon ang publiko sa musunod nga lakang sa Senado nga may kalabutan sa kasaysayanong impeachment trial.
