GENERAL SANTOS CITY – Natanggong karong sa selda ang usa ka wanted person gumikan sa kasong rape human nga naaresto.
Ang suspetsado nga nailhan sa alyas “Emboy”, 38 anyos, minyo nga taga Barangay Poblacion, Magpet, Cotabato.
Ang nasampit ang gaatubang og kasong three count of rape nga ang warrant of arrest ang giisyu sa Regional Trial Court Branch (RTC) Branch 61, sa Kidapawan City, sa miaging Hunyo 9, 2025 nga walay girekomenda nga pyansa.
Nasikop ang nahisgutan sa hiniusang pwersa sa kapulisan gipangunahan sa Magpet Municipal Police Station, Provincial Intelligence Unit sa Cotabato Police Provincial Office og uban pa.
Nasuta nga ang dinakpan ang usa sa mga high-value target nga lakip sa Top 10 Most Wanted Person sa regional level .
Gipasidunggan ni PBGEN Arnold Ardiente, Regional Director sa Police Regional Office 12, ang mga nalambigit sa maong operasyon.
