-- ADVERTISEMENT --
Wala’y mahimo ang Malacañang kung dili gusto ni Bise Presidente Sara Duterte nga motambong sa State of the Nation Address (SONA) ni Presidente Ferdinand Marcos Jr.
Kini ang gipahibawo sa Palasyo human gikumpirma sa Bise Presidente ang iyang pagkawala sa ikaupat nga SONA sa Presidente niadtong Hulyo.
Matod ni Palace Press Officer Atty. Claire Castro, bahala na si VP Sara kon dili ba siya motambong ug makadungog sa mga nahimo sa gobyerno ubos ni Presidente Marcos Jr.
Kahinumduman nga wala usab motambong ang Bise Presidente sa miaging SONA sa Presidente tungod kay mas gusto pa kuno niya nga motambong og kasal.
Nasayran sa publiko nga ang relasyon tali sa Presidente ug Bise Presidente nadaot tungod sa mga isyu sa politika.
-- ADVERTISEMENT --
