Niabot na si President Ferdinand Marcos Jr. sa Osaka, Japan, aron motambong sa World Expo 2025 ug makigtagbo sa mga negosyanteng Hapon.
Mibiya ang Presidente sa nasud kagahapon sa hapon sakay sa usa ka pribadong jet.
Matod sa Malacañang, manguna si President Marcos sa inagurasyon sa Philippine Pavilion.
Matod ni Palace Press Officer Usec. Claire Castro nga ang world expo sa Osaka magpakita sa adunahang kultura sa Pilipinas, nindot nga mga talan-awon ug kabahin sa pagpasiugda sa turismo sa nasud.
Gilauman usab nga makigkita ang Presidente sa pipila ka mga negosyante, ug mogahin usab siya og panahon aron makigkita sa Filipino community sa Japan.
Samtang, gitudlo isip caretaker sa gobyerno sila Executive Secretary Lucas Bersamin, Education Secretary Sonny Angara, ug Agrarian Reform Secretary Conrado Estrella III.
