Gikataho nga andam na si Philippine National Police (PNP) Chief General Nicolas Torre III nga manguna sa pagpangita sa mga patayng lawas sa mga nawala nga sabungero, upat ka tuig na ang nakalabay.
Kini human ang usa ka akusado nga kanhi security guard sa Manila Arena nga nagbarog isip state witness mibutyag nga ang mga lawas sa nahisgutang mga sabungero giingong gilubong sa Taal Lake.
Matod ni PNP Spokesperson Police Brigadier General Jean Fajardo, gamiton nila ang mga bag-ong gibutyag sa gitawag nga “whistleblower” nga si alyas Totoy aron maablihan pag-usab ang kaso.
Usa usab kini ka welcome development aron mahatagan og hustisya ang pamilya sa mga biktima.
Giangkon sa PNP nga dakong hagit ang pagpangita sa patayng lawas sa 34 ka missing nga mga sabungero ilabi na kay lapad ug lawom ang Taal Lake.
Plano karon sa PNP nga kontakon ang testigo nga mitumaw aron mangayo og opisyal nga pamahayag, sumala ni Fajardo.
Andam usab ang PNP nga mohatag og tabang sa kapolisan lakip na ang paghatag og seguridad sa bag-ong testigo nga mitumaw.
Kahinumduman nga unom ka mga security guard sa Manila Arena ang gipasakaan og kasong kidnapping ug serious illegal detention kalabot sa pagkahanaw sa 34 ka mga sabunger.
Ang Disyembre 15, 2023 magtugot kanila nga makapiyansa alang sa ilang temporaryong kagawasan
