Gikumpirma sa kampo ni kanhi Negros Oriental Representative Arnolfo ‘Arnie’ Teves Jr. nga gi-postpone ang gikatakdang arraignment sa laing kaso batok sa kanhi kongresista.
Ang pagbasa sa akusasyon sa Manila Regional Trial Court Branch 15 ang mahitabo unta karong adlawa, Hunyo 19.
Nag-atubang si Teves og kasong pagpatay.
Gipasabot ni Atty. Ferdinand Topacio nga na-postpone ang arraignment dila lang kay naospital ang iyang kliyente.
Apan matod niya kini tungod kay wala pa makakuha og hurisdiksyon ang National Bureau of Investigation sa kustodiya ni Teves aron ipresentar siya sa nahisgutang korte.
Busa sa eksklusibong pakighinabi sa Bombo Radyo Philippine kang Atty. Topacio, iyang gipaambit nga prayoridad nila karon ang pagpahibalo ngadto sa mga korte nga nagpaalim pa ang kanhi kongresista sa tambalanan.
Samtang, bisan pa niini, hugot nga gipanghimakak sa kampo ni Teves nga ‘drama’ lang ang iyang pagka-ospital ug grabeng pagsakit sa tiyan.
Si Negros Oriental Congresswoman-elect Janice Degamo niingon nga kini kabahin lang sa ‘drama’ ug paglangay sa kaso nga kabahin sa taktika ni Teves.
