Pipila ka flights sa Air India gikansela tungod na nagpadayon nga imbestigasyon sa nahagsa nga eroplano

Gikansela sa Air India ang walo ka internasyonal nga mga biyahe nga gipadagan sa Boeing 787-8 Dreamliners.

Ang nasangpit nga matang sa ayroplano naapil sa pagkahagsa sa miaging semana nga mipatay sa 270 ka mga tawo.

Tungod sa nasangpit nga kanselasyon, apektado ang mga biyahe paingon sa London, Paris, Vienna ug Dubai.

Ubay-ubay na nga mga nasod ang nitabang sa imbestigasyon aron masayran ang tinuod nga hinungdan sa maong pagkahagsa.

Kahinumduman nga pipila ka minuto human sa pag-take off, flight AI171 gikan sa Sardar Vallabhbhai Patel international airport, kalit kining nahagsa.

Sa kinatibuk-ang 242 ka mga tawo nga sakay sa eroplano, adunay usa ka pasahero nga naluwas.