Imbestigasyon nagpadayon sa natigayong pagpamusil sa usa ka Traysikol drayber sa Barangay Conel ning dakbayan sa Heneral Santos

Patay ang usa ka tricycle driver human kini gipusil sa wala pa mailhing mga suspek sa Purok Malinawon, Barangay Conel, General Santos City, kagabii, Hunyo 16.

Sumala sa inisyal nga report, nadungog ang sunod-sunod nga buto sa armas sa lugar ug didto nakita ang biktima nga naglapa sa kalsada, nga laigo sa kaugalingog dugo.

Walay nakasaksi kung giunsa pagsugod ang insidente, ug kasamtangang wala pay klarong motibo nga gitumbok ang mga otoridad.

Naghangyo usab ang mga otoridad sa katawhan nga kung adunay impormasyon mahitungod sa mga suspetsado, ipahibalo dayon sa pinakaduol nga police station.

Ang identity sa biktima wala pa gihayag samtang gipaabot pa ang opisyal nga pahayag sa pamilya.