Malampuson nga napauli sa Pilipinas ang pipila ka Overseas Filipino Workers (OFWs) nga naapektohan sa nagkagrabeng tensiyon sa Middle East. Gikumpirma nga 18 ka OFWs ang nakauli gikan sa Tel Aviv ug Jordan, human ma-stranded sa Dubai tungod sa kagubot.
Sumala sa Department of Migrant Workers (DMW), sakay sa usa ka eroplano ang mga Pilipino nga niabot sa Ninoy Aquino International Airport Terminal 1 alas 9:30 sa buntag.
Giatiman dayon sila sa mga opisyales sa DMW, kauban si Migrant Workers Secretary Hans Leo Cacdac ug OWWA Administrator Patricia Caunan, atol sa ilang pag-abot.
Sa wala ang pag-uli, gihatagan na og inisyal nga tabang ang mga OFWs sa Embahada ug sa Migrant Workers Office sa Tel Aviv, human sila maapektuhan sa pagbuto sa missile sa Rehovot, Israel niadtong Hunyo 15.
