GENSAN – Padayon gihapon ang enrollment sa tanang pampublikong eskwelahan sa Region 12 bisan magsugod na ang klase karong adlawa . Matud ni Kenneth Carisma, Information Officer sa DepEd nga molungtad kini hnagtod sa Hunyo 20, 2025.
Dugang pa nga andam ang mga non-teaching personnel nga modawat sa mga late enrollees, samtang ang mga magtutudlo magsugod na sa ilang mga klase ug welcome activities.
Giklaro usab niini nga wala’y rason nga dili mapasulod ang bata tungod lang sa kakuwang sa gamit.
Tungod adunay mga eskwelahan nga nagandam og welcome kits nga gihatag sa mga donors ug stakeholders isip tabang sa mga estudyante.
Nagpadayon usab ang DepEd sa koordinasyon uban sa mga lokal nga opisyal aron masiguro ang hapsay nga pagsugod sa klase ug kaluwasan sa mga kabataan.
