Giklaro sa malakanyang nga wala’y labot ug wala kabalo si Pangulong Ferdinand Marcos Jr. kung adunay man kasabutan tali ni VP Sara Duterte ug Senador Imee Marcos may kalabotan sa isyu nga pagkadakop ni kanhi Pangulong Rodrigo Duterte sa International Criminal Court (ICC).
Kini ang pamahayag ni Palace Press Officer Usec. Claire Castro human sa pamahayag ni VP Sara nga gumikan si Pangulong Ferdinand Marcos Jr,. ang gikaingon nga nagpadala sa the Hague kay dating Pangulong Duterte og si Senador Marcos ang magpauli sa kanhi presidente sa Pilipinas.
Sumala pa Castro nga wala’y ideya si PBBM sa kasabutan tali sa usa kunong “nanggagamit” ug usa nga andam magpagamit.
Dugang pa ni Castro, gusto lang sa Pangulo og aksyon ug dili bakasyon.
Sa dihang gipangutana siya kung aduna bay gitumbok nga tawo nga kanunay nga nagbakasyon, nagdumili ang nasampit sa pagtubag og bahala na ang publiko nga mag- obserba kung may mga indibidwal nga kanunay nga nagbakasyon.
