Nakabalik na sa Pilipinas si Vice Presidente Sara Duterte karong adlawa , Hunyo 14, human sa upat ka adlaw nga personal nga biyahe sa Malaysia uban sa iyang pamilya.
Matod sa Office of the Vice President (OVP), si Duterte niabot sa Ninoy Aquino International Airport (NAIA) mga alas 5:43 sa buntag sakay sa Philippine Airlines flight PR 530.
Mitambong usab si Duterte sa selebrasyon sa Independence Day kauban ang mga overseas Filipino workers (OFWs).
Anaa usab siya sa Malaysia dihang gihatod sa Senate Sergeant-At-Arms ang writ of summons kalabot sa kasong impeachment batok kaniya.
Kini human nakahukom ang Senate Impeachment Court nga ibalik ang Articles of Impeachment batok niya ngadto sa House of Representatives nga dili kini i-dismiss o i-terminate.
Una nang niingon si Duterte nga nangandam na ang iyang mga abogado sa pagtubag sa maong summon.
Samtang, ang OVP usab miingon nga si Bise Presidente Duterte gikatakdang motambong sa 2025 PASIDUNGOG awarding ceremony sa Davao City karong Lunes, Hunyo 16.
