Pagpaabot sa laing pagsaka sa presyo sa produktong petrolyo sunod semana – DOE

Ginapaandam na sa Department of Energy (DOE) ang mga motorista sa laing gipaabot nga pagsaka sa presyo sa mga produktong petrolyo.

Base sa forecast sa DOE, ang presyo sa gasolina ug diesel mosaka sa P0.80 ngadto sa P1.00 matag litro.

Samtang ang presyo sa kerosene mahimong mosaka ngadto sa P0.80 matag litro.

Usa sa mga rason nga gitumbok mao ang tensyon tali sa Israel ug Iran.

Ang eksaktong pagsaka sa presyo sa mga produktong petrolyo ipahibalo sa Lunes, nga magsugod sa Martes.