-- ADVERTISEMENT --
Makapalit na og bugas ang mga trabahante sa minimum nga suholan sa tag P20 matag kilo.
Ang Department of Agriculture ug ang Department of Labor and Employment nagsugod sa pagpamaligya og bugas sa kantidad nga P20 matag kilo karong Biyernes, Hunyo 13.
Ang maong programa gilusad na kaniadto alang sa mga senior citizens, persons with disabilities ug Pantawid Pamilyang Pilipino Program o 4Ps members.
Sa sinugdan, 120,000 ka mga trabahante ang giila nga mga benepisyaryo apan si Agriculture Assistant Secretary Arnel de Mesa niingon nga adunay igong suplay sa bugas nga makahatag ug mga 1.2 milyones ka kilo sa mga minimum wage earner.
