Walay nakita nga diha-diha nga rason ang gobyerno sa Estados Unidos aron ipahunong ang operasyon sa Boeing 787 human sa trahedya nga naglambigit sa usa ka Air India flight sa India nga mipatay sa 241 ka mga sakay sa eroplano samtang usa ang naka-survive.
Matod ni US Transportation Secretary Sean Duffy ug Federal Aviation Authority (FAA) Acting Administrator Chris Rocheleau nga walay timailhan sa usa ka ‘technical defects’ sa Boeing 787 8 Dreamliner nga magrekomenda sa grounding.
Bisan gitan-aw na nila ang mga video sa insidente, giinsister ni Duffy nga dili kini igo nga basehan sa paghimo og desisyon.
Dugang ni Rocheleau nga padayon ang ilang pagmonitor sa bisan unsang impormasyon nga mogawas kalabot sa insidente.
Matod niya nga kung adunay mahibaw-an nga risgo, ila dayon kining aksiyonan aron matubag kini.
Gipasalig ni Duffy nga andam usab ang gobyerno sa US nga ipatuman ang mga safety measures kung kinahanglan.
Dugang sa mga awtoridad nga unahon ang kaluwasan sa publiko ug andam nga magdugang og mga og kapanguhaan kung kinahanglan aron makuha ang tanan nga datos.
Sa pagkakaron, ang Boeing 787 nagpabilin nga luwas nga gamiton bisan pa sa trahedya, sumala sa mga opisyal sa aviation sa US.
Nasayran nga gawas sa 241 nga casulaties, anaa 50 usab ang nadamay hinungdan nga sa katibuk-an mukabat sa 291 ang namatay.
Anaa usab sa 50 mga medical students ang samaron huan nagahsa sa eroplano sa gambalay kung asa nagpuyo ang mga nasampit.
Gipangita na sa mga otoridad ang blackbox sa Air India Flight 171 aron masayran kung unsa ang rason sa pagkahagsa sa eroplano.
