Nagpahayag si President Ferdinand Marcos Jr. sa iyang pahasubo sa India human sa trahedya nga nahitabo sa Air India Flight AI-171 nga nahagsa duol sa Ahmedabad, India.
Ang eroplanong pampasahero sa Air India, nga padulong unta sa London, nahagsa sa amihanan-kasadpan sa Ahmedabad nga may sakay nga 242 ka mga pasahero pipila ka minuto human sa pag-takeoff.
Matod ni Presidente Marcos, ang mga Pilipino nasubo pag-ayo sa trahedya ug ang India ug si Prime Minister Narendra Modi nagbarog uban sa nasud niining takna sa pagbangotan.
Ang Presidente mipadangat usab sa kinasingkasing nga mga pahasubo ug pag-ampo sa Pilipinas alang sa mga namatyan nga pamilya sa mga biktima sa trahedya.
Nanghinaot si Presidente Marcos nga ang nagpadayong imbestigasyon sa maong trahedya magsilbing giya aron mahatagan og katin-awan ang mga pamilyang namatyan.
