SARANGANI – Gikumpirma sa Sarangani Provincial Health Office, kauban ang Department of Health – Center for Health Development SOCCSKSARGEN, ang tulo ka kaso sa Mpox Clade II sa Munisipalidad sa Alabel.
Gipailawom karon ang mga pasyente sa husto nga medikal nga pag-atiman ug pagbantay.
Padayon usab ang contact tracing ug community surveillance sa lugar aron malikayan ang posibleng pagkaylap sa maong sakit.
Gipahimangnoan ang publiko nga kung adunay mga sintomas, susama sa lagnat, rashes, o ubo, moduol dayon sa Barangay Health Worker, Rural Health Unit, o Municipal Epidemiology and Surveillance Unit aron matabangan dayon ug malikayan ang komplikasyon.
Gipadayon sa mga otoridad ang kampanya sa kahibalo ug pagpasabot aron mapugngan ang pagsaka sa mga kaso sa rehiyon.
