Nagpahibalo ang usa ka korte sa Seoul nga gi-postpone ang pagtakda sa petsa sa pagsulay alang sa Presidente sa South Korea nga si Lee Jae-myung may kalabotan sa kaso nga iyang giatubang sa 2022 nga eleksyon.
Nahitabo kini human ang Korte Suprema sa South Korea nagdesisyon kaniadtong Mayo nga si Lee naghimo og “false statements”” samtang nagdagan alang sa pagkapresidente, apan ang kaso gibuksan pag-usab pagkahuman daghang mga grupo ang miapelar batok ni Lee.
Nasayran nga ang Seoul High Court gikatakdang magpahigayon og hearing sa Hunyo 18, 2025, apan ang usa ka tigpamaba sa korte miingon nga kini i-postpone, ”to be decided later” ” subay sa Artikulo 84 sa Konstitusyon sa nasud.
Sumala sa Artikulo 84 sa Konstitusyon sa South Korea, ang usa ka naglingkod nga presidente dili mahimong kasohan samtang naa sa katungdanan, gawas sa pipila nga piho nga mga kaso.
Bisan pa, ang mga eksperto sa ligal nabahin kung kini magamit usab sa mga kaso nga gipadayon sa wala pa mapili ang usa ka presidente.
Ang Administrasyon sa Nasyonal nga Korte miingon nga ang mga maghuhukom sa tagsa-tagsa nga mga korte ang magdesisyon kung ipadayon o ihunong ang kaso batok sa SoKor President Lee.
Samtang, ang lokal nga media KBS nagtaho nga ang Democratic Party, nga kontrolado ni Lee, nag-andam sa usa ka balaodnon karong semanaha aron suspindihon ang mga kaso sa kriminal batok kaniya.
Mahimong dad-on kini sa Constitutional Court aron susihon kung nakalapas ba kini sa Konstitusyon sa nasud.
Wala pa moluwat og pamahayag ang kampo ni Lee kalabot sa maong desisyon sa korte.
