Magbutang ang gobyerno ug internet access ilabi na sa mga hilit nga dapit aron mapalambo ang ang pagtudlo sa mga tinun-an sa mga pampublikong tunghaan sa nasud.
Kini maoy gipahibalo ni Presidente Ferdinand Marcos Jr human gisusi ang Brigada Eskwela sa Tibagan Elementary School sa San Miguel, Bulacan.
Ang Presidente miingon nga iyang nakita ang Khan Academy software nga naggamit sa Starlink alang sa internet connection ug gusto niya nga ang ubang mga eskwelahan sa nasud makabaton niini.
Ang Presidente nagkanayon nga nalipay siya nga adunay teknolohiya sama sa Starlink aron tan-awonon kini sa gobyerno aron magamit kini sa mga estudyante sa eskwelahan.
Sa iyang pagbisita sa Brigada Eskwela, nakita sa Presidente ang panginahanglan sa pag-ayo sa ubang mga eskwelahan ug pasilidad alang sa saktong pagkat-on sa mga estudyante
