Target sa Department of Information and Communications Technology (DICT) nga makamugna og 8 milyong digital nga trabaho sa musunod nga tulo ka tuig.
Una niini gilusad sa DICT ang programa nga “Trabahong Digital”, nga nagtinguha nga palapdan ang internet connectivity sa tibuok nasud ug palig-onon ang digital skills sa mga Pilipino.
Matud ni DICT Secretary Henry Aguda nga ang pagpalambo sa digital-first economy magahatag og dakong oportunidad sa trabaho ug paglambo sa negosyo.
Pinaagi sa pagpalig-on sa digital skills ug sa paghatag sa mga tawo og mga kagamitan nga ilang gikinahanglan aron magmalampuson.
Nagpahayag usab ang DICT sa ilang kumpiyansa nga maabot ang tumong nga job creation sa tuig 2028, pinaagi sa koordinasyon ug panag-uban sa ubang ahensiya sa gobyerno, mga institusyong pang-edukasyon, ug pribadong sektor.
Ang “Trabahong Digital” usa ka lakang sa pag-andam sa nasud alang sa mas paspas nga pag-uswag sa teknolohiya, diin mas daghang Pilipino ang mahatagan og panginabuhian pinaagi sa online at digital platforms.
