Nalipay pagmaayo si Olympic bronze medalist Eumir Marcial nga mapili siya nga usa sa mga undercard fighters sa laban ni Manny Pacquiao batok kang Mario Barrios.
Matud pa sa29-anyos nga si Marcial ang 30-anyos nga si Alexis Gaytan gikan sa Estados Unidos ang iyang kaatbang alang sa middleweight non-title fight karong Hunyo 19 sa MGM Grand sa Las Vegas.
Sumala ni Marcial, dugay na niyang giidolo si Pacquiao ug giila kini nga iyang ehemplo sa pagsugod sa iyang career sa boxing.
Dako kaayo ang iyang pasalamat nga makalaban siya sa parehas nga event nga apilan sa iyang idolo.
Kahinumduman nga nakadaug si Marcial og bronze medal sa 2021 Tokyo Olympics, ug sukad kaniadto, misulod na siya sa professional boxing diin adunay siyay 5 ka panalo ug walay pildi.
Ang iyang katapusang laban kaniadtong Marso 2023 batok sa Thai boxer nga si Thoedsak Sinam, nga iyang napildi sa ika-upat nga round pinaagi sa knockout.
Sa pikas bahin, ang iyang kontra nga si Gaytan gikan sa US adunay 17 ka panalo, 10 kapildi, ug 6 ka knockouts.
Daku ang gilauman sa mga fans ni Marcial nga mapadayon niya ang iyang undefeated record ug ipakita ang tinuod niyang kusog sa usa ka dako nga entablado uban sa iyang idolo nga si Pacquiao.
