Gibutyag sa Philippine National Police Anti-Cybercrime Group (PNP-ACG) nga miubos og 39% ang insidente sa voyeurism sa unang quarter ning tuiga.
Matud pa ni PNP-ACG acting director Brig. Gen. Bernard Yang nga anaa sa 86 incidents sa voyeurism ang natala gikan Jan. 1 hangtud sa May 1, 2025 kung asa mas ubos itandi sa 141 sa parehong panahon sa miaging tuig.
Miubos ang natala nga kaso gumikan sa padayon nga public awareness initiatives pinaagi sa mga dayalogo, seminars, og informative social media campaigns.
Gibutyag nga gikan January hangtud sa March 2025, mukabat sa 360 ka police operations, ang gihimo nga gikalangkuban sa 193 ka entrapment operations og 131 ka service of warrants of arrest, nga nagresulta sa pagkadakop sa 369 ka mga individuals nga nalambigit sa mga cybercriminal activities.
