Gitapos sa Indiana Pacers ang ilang series batok sa top eastern conference team, ang Cleveland Cavaliers, human nila makuha ang Game 5 ug giselyohan ang series, 4-1.
Ang Pacers mipakita og laing team effort, diin lima sa ilang mga players miiskor og double digits, gipangulohan ni star guard Tyrese Haliburton nga adunay 31 puntos ug walo ka assists.
Ang NBA champion nga si Pascal Siakam niamot og 21 puntos, og walo ka rebounds. Si Donovan Mitchell wala gihapon makaluwas sa iyang team bisan pa sa all-around play – 35 puntos ug siyam ka rebounds.
Kini maoy ikaduhang sunodsunod nga season nga ang Pacers nakasulod sa conference finals una niadtong 2024.
Sa pagkakaron, maghulat pa ang team sa modaog tali sa New York Knicks ug Boston Celtics nga motigi sa Eastern Conference finals.
