Nihatag ug pasidungog si President Ferdinand Marcos Jr sa mga inahan karong adlawa sa ilang paghandum sa Mother’s Day.
Ang Presidente nagpasalamat sa mga inahan sa ilang sakripisyo ug walay katapusan nga gugma alang sa ilang mga pamilya.
Sa social media account sa Presidente, gipaambit ni Presidente Marcos ang photo collage sa iyang inahan, kanhi First Lady Imelda Marcos, asawa First Lady Liza Marcos, ug igsuong si Irene Marcos.
Matod sa Presidente, ang mga inahan nagsilbing hilom nga kusog luyo sa matag pamilya.
”They care, nurture, guide and give of themselves without asking for anything in return. Their love knows no bounds and neither does their sacrifice. Ngayong Mother’s Day, taos-puso kong kinikilala at pinasasalamatan ang lahat ng ilaw ng tahanan. Maraming salamat sa inyong walang kapantay na pagmamahal at pagkalinga,” pahayag ni Pang. Marcos.
Mamatikdan usab nga ang collage sa litrato nga gi-post ni Presidente Marcos wala maglakip sa iyang magulang nga babaye, si Senador Imee Marcos.
