Gihinganlan sa Philippine Military Academy (PMA) niadtong Huwebes ang top-performing cadets sa Siklab-Laya Class of 2025, nga gipangulohan ni Cadet First Class Jessie Ticar Jr.—ang anak sa usa ka shopkeeper sa Quezon City.
Si Ticar migradwar nga summa cum laude, ug ikaupat lang sa kasaysayan sa PMA nga nakab-ot kini nga pasidungog.
Matod ni PMA Superintendent Vice Admiral Caesar Bernard Valencia, si Ticar nag-atubang ug grabeng mga hagit sa kinabuhi, lakip na ang kakabos ug pagpahiangay sa iyang pagtuon.
Paambit ni Ticar nga namaligya lang ang iyang inahan og mga bolpen ug sobre, samtang baldado ang iyang amahan.
Samtang, gipahibalo ni Valencia nga sugod sa sunod tuig, ang PMA mopasiugda og bag-ong kurikulum nga nakatutok sa teknolohiya ug depensa.
Lakip sa mga bag-ong subject mao ang cyber warfare, artificial intelligence, asymmetric warfare, ug drone warfare, isip pagpangandam sa modernong mga hagit sa nasudnong seguridad sa Pilipinas.
