Nagpahibalo ang Social Security System (SSS) nga ipaubos niini ang interest rates sa salary ug calamity loan.
Ang interest rate sa loan muus-os ngadto sa 8 porsyento samtang ang interest rate sa calamity loan mokunhod ngadto sa 7 porsyento. Ang duha ka interest rate anaa karon sa 10 porsyento.
Ang SSS namahayag nga ilang tuyo nga ipatuman ang pagkunhod sa interes sugod sa Hulyo 2025.
Gidugang niini nga alang lamang kini sa mga miyembro nga wala maka-avail sa penalty condonation sa miaging duha ka tuig, o mga miyembro nga adunay maayong kalidad sa kredito.
Una niini, aduna nay kalambigit nga anunsyo nga gihimo ni Presidente Ferdinand Marcos, Jr dungan sa pagsaulog sa Labor Day niadtong Mayo 1.
Sugod sa Septiyembre, ang kapikas o bana sa namatay nga pensioner mahimo usab nga maka-apply og loan nga moabot sa P150,000.
