Gikompirmar sa Philippine National Police (PNP) nga ang Anti-kidnapping Group (AKG) unit niini niduso og mosyon aron usbon ang reklamo kalabot sa pagkalambigit ni Alvin Que sa kasong kidnapping sa iyang amahan nga negosyanteng Filipino-Chinese nga si Anson Que ug sa drayber niini nga si Armanie Pabillo.
Matud ni PNP Chief PGen. Rommel Francisco Marbil, walay igong ebidensiya aron makonbikto si Alvin Que sa kalambigitan sa pagpatay sa iyang amahan.
Matod niya nga dili paigo ang mga pamahayag ug pag-insister ni David Tan Liao kang Alvin sanglit wa man makapakita og ebidensya si Liao nga nagkita o nagka-estorya pa ang duha.
Kini nga mga pahayag ni Liao dili makonsiderar nga kamatuoran sa ebanghelyo tungod kay ang mga pahayag gipailalom sa pag-verify diin ang ilang mga ranggo nagtino kung kini nga mga pagsugid ni Liao tinuod o dili.
Gipasabot pa ni Marbil nga ang rason nga naapil si Alvin sa mga respondents sa kaso tungod sa mga pagkumpisal ni Liao nga una nang gitug-an ni PRO III Director ug PNP Spokesperson PBGen. Si Jean Fajardo niingon nga mahimong diversionary tactic lang kini sa suspek aron malibog ang imbestigasyon.
Nunot niini, gusto usab ni Marbil nga mapamatud-an ang mga pamahayag ug ebidensiya sa dili pa ideklarar nga cleared si Alvin sa mga akusasyon gumikan sa extra judicial confessions ni Liao.
Matod pa niya nga kinahanglan una nilang siguroon nga adunay igong ebidensiya nga makasuporta sa maong mga alegasyon aron maingon nga usa gyud si Alvin sa mga respondents sa maong kaso.
Sa laing bahin, gikompirmar usab sa PNP nga giila sa ilang han-ay ang mga gikonsiderar nga ‘mastermind’ sa kasong kidnapping ni Anson Que.
Matod ni Marbil nga gikonsiderar na sa ilang imbestigasyon si Liao nga usa sa mga mastermind, apil na ang gipangita pa ug kasamtangang P5 milyones nga patong sa iyang ulo nga si Kelly Tan Lim, ug laing wala hinganli nga suspek.
Padayon pa ang imbestigasyon sang PNP sa motibo sang mga suspek sa pagdagit kag pagpatay sa biktima.
