Suspek nga nakuhaan og ilegal nga droga og granada gipangita sa kapulisan

GENERAL SANTOS CITY -Gipangita karon sa kapulisan ang suspek nga wala nasikop sa gipahigayon nga search warrant operation sa Purok Tunadatu, Barangay Mindupok, Maitum Sarangani Province.

Ang suspek mao si Alyas Orig, 39 years old nga residente sa maong dapit.

Atol sa implementation sa search warrant operation wala ang target sa lugar.

Nakuha sa balay sa suspek ang lima ka gituohang sachet sa shabu anaa sa 1.005 grams nga may estimated value nga kapin sa P6,834.00 og laing mga drug paraphernalia.

Lakip sa nakuha ang tulo ka buhing bala og usa ka hand granade.