Publiko, giawhag nga dili himuong sugal o pustahanay ang pagpili sa musunod nga Santo Papa

Giawhag karon ang publiko nga dili himuong sugal o pustahanay ang pagpili sa musunod nga papa human ang pagpanaw ni Pope Francis.

Kini ang nahimong tubag ni Fr. James Ucab, usa ka student-priest sa Italy, sa mga migawas nga report nga adunay mga plataporma sa sugal ang nangabli kabahin niini.

Gibutyag ni Father Ucab nga inay nga kini ang himuon, giawhag ang tanan nga iampo ang simbahan nga nagbangotan sa pagpanaw sa Santo papa.

Samtang galaum usab kini nga ipadayon sa sunod nga papa ang nasugdan nga kabag-ohan ni Pope Francis nga simbahan nga nagapaminaw sa mga miyembro niini.