GENSAN-Padayon ang imbestigasyon sa mga kapulisan sa natigayong pagpamusil patay sa usa ka traysikad driver sa Prk. Acharon, Barangay Labangal Gensan, kagabie.
Sa imbestigasyon sa Makar Police Station, natigayon ang pagpamusil alas 11:50 kagabie kung asa giila ang biktima nga si Sajed Laguiamoda Bituanon, 30 anyos, ulitawo, og residente sa Zone 1 Purok Kulasi Labangai ning syudad.
Samtang naghulat og pasahero sa usa ka gasolinahan sa Prk. Acharon, kalit nga miabot ang usa ka motorsiklo kulay itum og pula nga may duha ka wala mailhing lalaki nga sakay og dayon ang angkas ang maoy mipusil sa biktima.
Human sa panghitabo paspas nga nagpalayo sa crime scene ang mga suspek.
Samtang narekober sa taga SOCO sa crime scene ang duha ka fird cartridge cases, og usa empty shell sa bala.
Ang biktima nakaangkon ug duha ka samad pinusilan nga hinungdan sa iyang kamatayon. Samtang gilubong gilayon kini sa iyang pamilya subay sa tradisyong Islam.
