Biyaheng Vatican na unyang gabie si Pang. Ferdinand Marcos Jr og First Lady Liza Marcos para motambong sa lubong ni Pope Francis sa Sabado.
Kini ang gikumpirma ni Palace Press Officer USec Claire Castro.
Gibutyag ni Castro nga walay mamahimong pre-departure honor sa paghawa sa Pangulo sa nasod.
Dili usab masulti ni Castro kung kinsa ang mga opisyal ang makauban sa Pangulo sa iyang biyahe.
Wala usab nasayod si Castro kung kinsa ang mamahimong caretaker sa nasod samtang wala si Pangulong Marcos.
Hinuon, sumala sa palace official ianunsiyo kini sa Palasyo una mubiyahe ang pangulo unyang gabie.
Matud kang Castro wala pa siyay ideya kung kanus-a makabalik sa nasod ang Presidente og kung adunay ubang aktibidad pa kini sa Europa.
Si Pope Francis ang ilubong sa Basilica of St Mary Major sa Sabado.
” Mamayang gabi po ang pag-alis po ng first Couple, the funeral will be attended by the First Couple this Saturday, April 26 at iyon lamang po ang maibibigay kong detalye,” pahayag ni USec Castro.”
=
