-- ADVERTISEMENT --
GENSAN – Gitay-og sa magnitude 6.3 nga linog ang kadagatan duol sa Sarangani Island sa Davao Occidental kagabie Martes, Abril 22, matod sa Philippine Institute of Volcanology and Seismology (Phivolcs).
Matod sa Phivolcs, ang linog nahitabo sa gilawmon nga 117 kilometros mga alas 6:17 sa gabii ug ang epicenter niini nakaplagan sa habagatang bahin sa kadagatan sa Sarangani Island.
Intensity III sa linog ang gitaho sa Malungon, Sarangani ug General Santos City; Intensity II sa lungsod sa Tupi ug Koronadal City, South Cotabato ug Kiamba, Sarangani; ug Intensity I sa mga lungsod sa Maitum ug Malapatan, Sarangani ug Palimbang, Sultan Kudarat.
Gipaabot usab ang aftershocks human sa linog, dugang sa Phivolcs.
