GENSAN–Alayon sa pag-obserba sa panahon sa Kwaresma, ang Chaplain Service sa Police Regional Office 12 nanguna sa tradisyonal nga “Via Crucis” o Way of the Cross ning adlawa, Abril 18, 2025.
Ang prosesyon nagsugod duol sa General Santos City Airport ug nitapos sa St. Michael the Archangel Chapel, nga nahimutang sulod sa Camp General Paulino T. Santos, Barangay Tambler ning dakbayan sa Heneral Santos.
Ang relihiyoso nga aktibidad gipasiugdahan ni Rev. Father (PMAJ) Lorenzo Ruga, Regional Pastoral Officer, ug giubanan ni PBGen. Arnold P. Ardiente, Regional Director sa PRO 12, uban sa mga Katolikong opisyal ug personahe gikan sa nagkalain-laing units ug opisina sa PRO 12.
Ang Via Crucis, usa ka gitahud nga debosyon sa Kwaresma sa mga Pilipinong Katoliko, nagsubay sa 14 ka mahinungdanong mga panghitabo gikan sa pasyon ug kamatayon ni Hesukristo.
Sa matag estasyon, ang indibidwal mahinumdom ug mamalandong gikan sa kataposang adlaw ni Kristo, mamalandong sa Iyang pag-antos ug sakripisyo.
Samtang ang mga partisipante naglakaw sa rota gikan sa airport paingon sa chapel, ang ligdong nga mga pag-ampo ug mga pamalandong milanog sa ilang personal ug hiniusang tinguha alang sa espirituhanong pagbag-o, kalinaw, ug moral nga giya.
“This sacred tradition allows us to reconnect with our faith and renew our commitment to public service. As we walk the Way of the Cross, we are reminded of the values of humility, sacrifice, and compassion—virtues that must define our service as protectors of peace”pahayag ni PBGen. Ardiente.“
