Mibisita si Pope Francis sa pipila ka mga piniriso sa Roma. Nahimamat niya ang pipila ka mga piniriso sa prisohan sa Regina Coeli.
Ang Santo Papa nakigsulti kanila ug gihatagan pa gani sila og Rosaryo ug usa ka pocket-sized nga ebanghelyo.
Matod niya nga ganahan siyang moadto sa pasilidad sa prisohan matag Huwebes Santo ug manghugas sa mga tiil sama ni Hesus, apan tungod sa iyang sakit, wala niya kini mahimo ug nag-ampo na lang siya alang kanila.
Ang pagbisita sa 88-anyos nga Argentinian Pope milungtad og kapin sa usa ka oras.
Gipadayon gihapon sa Santo Papa ang nasangpit nga aktibidad bisan og gitambagan siya sa mga doktor nga likayan ang pag-adto sa mga lugar nga daghang tawo.
Kahinumduman nga kapin sa usa ka buwan nga nagpabilin sa tambalanan ang Santo Papa tungod sa double pneumonia niini
