Nitaas pa ang ranggo sa Women’s Tennis Association sa Pinay tennis star nga si Alex Eala.
Gikan sa kanhi world number 75, nahimo na kining world number 73.
Ang maong pagsaka sa ranggo tungod sa malampusong Miami Open nga mga duwa diin nakasulod kini sa semifinals.
Nangandam na usab siya karon alang sa pag-apil sa Oeiras Ladies Open nga ipahigayon sa Portugal nga usa ka WTA 125 nga kalihokan karong Abril 14.
Kini sundan sa Madrid Open karong Abril 22 nga sama sa Miami Open usa ka WTA 1000 diin mosalmot usab kini sa WTA 125 event sa Catalonia Open sa Vic, Spain.
Ang iyang kampanya magpadayon sa Mayo 6 sa WTA 1000 nga kalihokan sa Roma nga gisundan sa Parma Ladies Open nga usa ka WTA 125 nga torneyo sa Parma, Italy sa Mayo 12.
Kahinumduman nga sa Miami Open, iyang gipildi ang tulo ka Grand Slam champions, Iga Swiatek, Madison Keys ug Jelena Ostapenko, apan napakyas sa mga kamot ni world number 4 Jessica Pegula sa semifinals.
